Vdes një person nga koronavirusi në Deçan

Një person nga Deçani ka humbur jetën si pasojë e koronavirusit gjatë 24 orëve të fundit, shkruan Gazeta Metro.

Lajmi është bërë i ditur nga kryetari i kësaj komune, Bashkim Ramosaj, i cili tha se për 24 orë  si pasojë e COVID-19 ka vdekur një qyetar nga kjo komunë, pesë të tjerë janë shëruar, ndërsa 2 qytetarë janë konfirmuar pozitivë.

“Deri më sot, në komunën tonë janë të identifikuara 236 raste me virusin SARS-CoV-2. Prej tyre 175 të shëruar plotësisht, 12 kanë humbur jetën dhe 50 raste janë akoma aktive”, ka shkruar Ramosaj në Facebook.

Kujtojmë se IKSHPK njoftoi sot për 7 vdekje nga COVID-19, 91 të shëruar dhe 337 raste të konfirmuara me koronavirus.

Ndryshe, plot 3880 raste aktive me koronavirus janë aktualisht në Kosovë, shifër kjo që është rritur shumë ditëve të fundit./gazetametro.net