Bashkatdhetarët kanë vazhduar edhe sot të vijnë në Kosovë për të votuar për zgjedhjet e parakohshme parlamentare.
Zyrtari për marrëdhënie me publikun në ANP, Bujar Gashi, në një prononcim për RTVD, ka bërë të ditur se vetëm dje ka pasur 26 fluturime, të cilat kanë ardhur kryesisht nga Gjermania, Zvicra pasuar nga Franca.
Ndërsa ka thënë se gjatë ditës së sotme, pritet të realizohen edhe 19 fluturime të tjera.
Ndryshe, KQZ ka bërë të ditur se dy ditë më pare është përmbyllur periudha e votimit përmes postës.
Deri më tani numri i pakove të supozuara me fletëvotime që janë pranuar është: 38 mijë e 339 pako.
Zyrtarë të KQZ-së kanë bërë të ditur javë më parë se 103,582 personave jashtë Kosovës u është mundësuar shfrytëzimi i kësaj të drejte, derisa rreth 27,000 aplikuesve të tjerë nuk u janë pranuar aplikacionet.
Numri i votuesve të rinj në këto zgjedhje, që do të votojnë për herë të parë pasi kanë mbushur 18 vjeç pas zgjedhjeve të vitit 2019 është 49 mijë e 198 votues.
Discussion about this post