Aktivisti Rron Gjinovci ka kujtuar aktivitetin e tij të bërë 10 vite më parë, momentin kur ai bashkë me Durim Jasharaj i ka hedhur ngjyrë të kuqe rektorit të atëhershëm
Sipas tij, ky veprim e ka formësu jetën dhe karakterin e tij, si dhe e ka shtru rrugën e angazhimit në jetën publike.
Postimi i tij i plotë:
Sot, 10 vjet ma parë, me kolegun dhe shokun Durim Jasharaj i patëm hedh rektorit të atëhershëm ngjyrë t’kuqe, në përvjetorin e themelimit, për me alarmu publikun për korrupsionin në UP.
Ky veprim e ka formësu jetën dhe karakterin tonë, e qe besa edhe e ka shtru rrugën e angazhimit tonë në jetën publike. Na ka lidhë në nji mnyrë të veçantë me Universitetin ma të randësishëm në vend dhe na ka bo me qenë të devotshëm ndaj detyrës për përmirësimin e tij, gja që ka ndodhë deri diku. Lufta për Universitet vazhdon. Lufta për publiken në Kosovë vazhdon. Sot jemi shumë ma mirë se para 10 vjetve, por jemi shumë ma keq në raport me atë se sa e si kemi potencial me kênë, si shoqni, si universitet, si aktivistë, si qytetarë, si shtet.
Përpjekja është dhe duhet me kênë permanente, sepse nevoja për ndryshim është permanente po ashtu. ✊
Urime përvjetori i themelimit të Universitetit të Prishtinës, universitetit tonë, publik!
Discussion about this post