Kur Joe Biden e quante Hashim Thaçin, George Washingtoni i Kosovës
Presidenti i ri i SHBA’së Joe Biden, gjithmonë ka qenë mik i madh i kosovarëve. Ai, në vitin 2010 kur Hashim Thaçi ishte kryeministër i Republikës së Kosovës, e kishte quajtur këtë të fundit George Washingtoni i Kosovës, shkruan Gazeta Metro.
Në takim me Thaçi ( kryeministër atë kohë), Joseph Biden ( zëvendëspresidenti amerika aso kohe), ka rikonfirmuar qëndrimin e Shteteve të Bashkuara se pavarësia e Kosovës është proces i pakthyeshëm dhe se do të ketë vetëm ecje përpara drejt proceseve integruese dhe të zhvillimit të qëndrueshëm ekonomik të të gjitha vendeve të rajonit.
Biden kishte siguruar Thaçin se integriteti territorial i Kosovës mbetet i pacenueshëm dhe se rendi dhe ligji duhet të vendoset në tërë territorin e Kosovës.
Presidenti i SHBA’së Biden kishte theksuar atëherë se Hashim Thaçi është George Washingtoni i Kosovës.
Kujtojmë, që Joe Biden, ka fituar zgjedhjet presidenciale amerikane, dhe është tashmë presidenti i 46’të amerikan. Kandidati demokrat ka mundur presidentin republikan Donald Trump pas një garë zgjedhore plot tension, ku rezultatet vonuan disa ditë për të dalë, shkruan Gazeta Metro.
Fitorja e Biden sipas CNN vjen pas triumfit të tij në Pensilvania.
Pensylvania ka 20 vota elektorale teksa me të njëjtat, Biden arrinë në 273 sosh, nga 270 sa i duheshin për të fituar.
Discussion about this post