Ja në çfarë ore do të voton Albin Kurti

Lideri i Lëvizjës Vetëvendosje, Albin Kurti, pritet të votojë në Fakultetin Ekonomik-Juridik në Prishtinë.

Kështu është bërë e ditur nga LVV, në njoftimin e të cilës thuhet se Kurti do të jetë i pranishëm në qendrën e votimit në orën 09:30.

“Kryetari dhe Kandidati për Kryeministër i Lëvizjes VETËVENDOSJE!, Albin Kurti, do të votojë në orën 9:30 në qendrën e votimit 1913E – Fakulteti Ekonomik-Juridik Prishtinë”, thuhet në njoftimin e LVV-së.

Ndryshe nga Kurti, kundërkandidati i tij nga Lidhja Demokratike e Kosovës, Avdullah Hoti, do të votojë në Fakultetin Filologjik në po të njëjtën orë.