Presidenti i Serbisë, Aleksandar Vuçiq, Kryetari i Kuvendit të Serbisë, Ivica Daçiq dhe Kryeministrja serbe, Ana Brnabiq, u takuan të hënën për të diskutuar një temë të rëndësishme për ta.
Tre udhëheqësit kryesorë të shtetit të Serbisë, folën për orë të tëra për Kosovën të cilën këta e quajnë krahinë të tyre autonome.
Vuçiq, thotë se dialogu i Brukselit po shkon drejt krizës, për çka po akuzon Prishtinën që nuk po implementon Marrëveshjen kryesore atë të 2013 por po flasin për njohjen e ndërsjellë.
”Jo-jo harrojeni këtë”.
”Ne jemi marrë vesh që themelimi i Asociacionit të bëhet me kushtet që të jemi pjesë e policisë rajonale në Mitrovicë dhe të marrim pjesë në zgjedhje. Kjo është situatë e rëndë, shqiptarët flasin për të ashtuquajturën “njohje reciproke” dhe po ikin nga zgjidhja nëpërmjet kompromisit”.
”Nuk na duhet asgjë njohja nga ta, ne jemi anëtar i Kombeve të Bashkuara, por ata si papagaj flasin për njohje”.
Papagajtë apo ndonjë shpezë tjetër Presidenti i Serbisë, nuk i përmendi kur u pyet për zgjedhjet presidenciale në Amerikë, që mbahen të martën.
Megjithatë ai për herë të parë, Aleksandar Vuçiq, pranoi se fitorja e republikanit do ishte lajm i mirë në Beograd por jo edhe triumfi i demokratit.
Në konferencën e gjatë ku nuk foli kush tjetër përveç tij, Aleksandër Vuçiq, premtoi miliona euro investime në Kosovë.
Ai uroi serbët e këtushëm për hapjen e Laboratorit ku kryhen testet PCR, që Serbia e ndërtoi pa asnjë leje të institucioneve vendore në Mitrovicë.
Discussion about this post