Ishte 5 nëntori, dita kur Hashim Thaçi bëri të ditur lajmin se i është konfirmuar aktakuza nga Gjykata Speciale, dhe menjëherë dha dorëheqje nga posti i presidentit.
E po atë ditë, kryetarja e Kuvendit të Kosovës, Vjosa Osmani menjëherë mori postin e ushtrueses së detyrës së presidentit të vendit, post të cilin mund ta ushtrojë më së shumti 6 muaj.
E aktakuza e ngritur ndaj Thaçit, si duket ka ndikuar në mënyrë drastike tek Vjosa Osmani.
Sa ishte vetëm në postin e kryetares së Kuvendit, Vjosa Osmani pothuajse në çdo seancë përplasej ashpër me deputetët e LDK-së dhe kryeministrin e vendit, Avdullah Hotin.
Po ashtu, në çdo intervistë të saj, Osmani hedhtë akuza të ashpra ndaj Qeverisë Hoti dhe Lidhjes Demokratike të Kosovës.
Por më të marr postin e ushtrueses së detyrës së presidentit të vendit, si duket Vjosa Osmani ka relaksuar raportet me Qeverinë Hoti dhe LDK-në.
Fillimisht Osmani i takua me kryeministrin Avdullah Hoti, me të cilin nuk ishin takuar asnjëherë më parë që kur Hoti gjendet në postin e kryeministrit.
Pas Hotit, Vjosa Osmani priti në takim Ministrin e Shëndetësisë nga radhët e LDK-së, Armend Zemajn, me të cilin ishte përplasur ashpër në njërën nga seancat e Kuvendit të Kosovës, shkruan “Bota sot”.
Osmani ka pritur po ashtu një Ministër nga radhët e LDK-së.
Ka qenë radha e Ministrit të Mbrojtjes, Anton Quni që ta vizitojë Osmanin në zyrën e Presidencës.
Nga këto veprime të Osmanit, atëherë më të drejtë lind dyshimi se Osmani po shkon drejt rikthimit në Lidhjen Demokratike të Kosovës, gjë të cilën e kishte paralajmëruar edhe kryeministri Hoti kohë më parë.
“Ajo ka marrë rrugë tjetër, në bazë të deklarimeve të saj. Ajo ka pasur mbështetjen e LDK-së në momente kyçe. Jam i bindur se do të kthehet në LDK, siç janë kthyer edhe të tjerët”, tha Hoti kohë më parë në njërën nga intervistat e tij.
Discussion about this post